ផ្ទុះខូចរថយន្តក្រុង៤គ្រឿង ដឹកអ្នកទេសចរ ទៅទស្សនាថ្ងៃរះ នៅមុខប្រាសាទអង្គរវត្ត
ខេត្តសៀមរាប ៖ រន្ធត់ទាំងព្រឹក ខណៈរថយន្តក្រុងចំនួន ៤គ្រឿង ដឹកអ្នកទេសចរ ទៅទស្សនាថ្ងៃរះ នៅមុខប្រាសាទអង្គរវត្ត ហើយចតនៅកន្លែងចំណត មុខប្រាសាទអង្គរ ស្រាប់តែផ្ទុះកក្រើក ដោយមិនដឹងមូលហេតុ បង្កការភ្ញាក់ផ្អើលទាំងព្រលឹម។
ហេតុការណ៍នេះ កើតឡើងនៅព្រឹកព្រលឹមថ្ងៃទី០៥ ខែមីនា ឆ្នាំ២០២៤ បណ្តាលឱ្យមនុស្សម្នាក់រងរបួស និងខូចខាតរថយន្តចំនួន ៤គ្រឿង ។
សូមបញ្ជាក់ថា រថយន្តទាំង ៤គ្រឿង បានដឹកភ្ញៀវទេសចរ មកទស្សនាថ្ងៃរះនៅប្រាសាទអង្គរ ខណៈភ្ញៀវចុះពីលើរថយន្តអស់ ក៏បានផ្ទុះតែម្ដង ហើយបច្ចុប្បន្ននេះ សមត្ថកិច្ចកំពុងស្រាវជ្រាវរកមូលហេតុ នៃការផ្ទុះនេះ៕
