គ្រោះថ្នាក់ចរាចរណ៍ ស្លាប់មនុស្សម្នាក់ទៀតហើយ នៅខេត្តព្រះសីហនុ
ខេត្តព្រះសីហនុ ៖ សមត្ថកិច្ច បានឱ្យដឹងព័ត៌មានបឋមមកថា បុរសម្នាក់ មានមុខរបរ ជាអ្នកលក់សណ្តែកដី បានស្លាប់ នៅកន្លែងកើតហេតុ ក្រោយបើកម៉ូតូ បុកប៉ះគ្នាជាមួយ រថយន្តព្រូស ១គ្រឿង នៅចំណុចផ្លូវបំបែក ពីស្ពានត្រជាក់ចិត្ត បត់ឆ្ពោះទៅដើមឈើចាំស្នេហ៍ នៅម៉ោងជាង ៩ព្រឹក ថ្ងៃទី១៤ ខែឧសភា ឆ្នាំ២០២៤។
គ្រោះថ្នាក់នេះ កើតឡើងនៅក្នុងភូមិសាស្ត្រភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ។
ចំណែកអ្នកបើកបរ រថយន្តព្រូស ត្រូវបានសមត្ថកិច្ច ឃាត់ខ្លួន ភ្លាមៗនៅកន្លែងកើតហេតុ ហើយនាំយកទៅដោះស្រាយតាមនីតិវិធីច្បាប់៕ ដោយ ៖ សំ រ៉ា
