ករណីបាញ់ស្រោចលើឡាន Merserdes ស្លាប់ម្នាក់ និងរបួសម្នាក់ នៅខណ្ឌដង្កោ សមត្ថកិច្ចចុះឆែកផ្ទះជនសង្ស័យ រកឃើញថ្នាំញៀន២១ដុំ
រាជធានីភ្នំពេញ ៖ ករណីជនសង្ស័យ បើករថយន្តបំបុក ហើយដកកាំភ្លើងបាញ់ស្រោច ទៅលើម្ចាស់រថយន្តMerserdes ស្ថិតក្នុងមូលដ្ឋានសង្កាត់រលួស ខណ្ឌដង្កោ រាជធានីភ្នំពេញ កាលពីយប់ថ្ងៃទី២៧ ខែសីហា ឆ្នាំ២០២៤ បណ្ដាលឱ្យមានមនុស្សស្លាប់ម្នាក់ និងរងរបួសម្នាក់ សមត្ថកិច្ច បានចុះស្រាវជ្រាវ និងឆែកឆេរផ្ទះជនសង្ស័យ រកឃើញថ្នាំញៀន ចំនួន២១ដុំ។
ករណីខាងលើ កម្លាំងនគរបាលម្នាក់ ត្រូវបាត់បង់ជីវិត ខណៈជនជាតិចិនម្នាក់រងរបួសធ្ងន់ ក្នុងករណីបាញ់ប្រហារខាងលើនេះ។
សមត្ថកិច្ចនគរបាល បានឱ្យដឹងថា កាលពីរសៀលថ្ងៃទី២៨ ខែសីហា ឆ្នាំ២០២៤ កម្លាំងជំនាញពាក់ព័ន្ធ បានសហការជាមួយ កម្លាំងសមត្ថកិច្ចខណ្ឌច្បារអំពៅ បានចុះស្រាវជ្រាវ ហើយឈានដល់ចុះឆែកឆេរផ្ទះជនសង្ស័យមួយកន្លែង ស្ថិតនៅក្នុងសង្កាត់ក្បាលកោះ ខណ្ឌច្បារអំពៅ។
ប្រតិបត្តិការនេះ សមត្ថកិច្ច បានដកហូតថ្នាំ ដែលសង្ស័យជាសាធាតុញៀនចំនួន ២១ដុំ តែមិនបានឃាត់ខ្លួនជនសង្ស័យណាម្នាក់ទេ ដោយសារជនសង្ស័យ ដឹងខ្លួនមុន រួចគេចខ្លួនបាត់។
យុទ្ធនាការនេះ ជនជាតិចិនម្នាក់ បានរងរបួសធ្ងន់ និងមន្ដ្រីនគរបាលម្នាក់ ឈ្មោះ គង់ វុទ្ធី អាយុ ៣៦ឆ្នាំ នៅអង្គភាពអន្ដរាគមន៍ នៃអគ្គស្នងការដ្ឋាននគរបាលជាតិ ឋានន្ដរស័ក្ដិ ថ្នាក់វរសេនីយ៍ទោ (ស័ក្ដិ៤កន្លះ) និងមានតួនាទីជានាយរងការិយាល័យប្រតិបត្តិការសង្គ្រោះ បានស្លាប់ ពេលបញ្ជូនទៅសង្គ្រោះនៅមន្ទីរពេទ្យ។
ករណីខាងលើនេះ ភាគីជម្លោះ ក៏បានចាប់ជនជាតិចិនម្នាក់ ញាត់ចូលក្នុងរថយន្ត ហើយក៏បើករថយន្តគេចចេញពីកន្លែងកើតហេតុបាត់ស្រមោល។
ពាក់ពន្ធ័ក
ក្រោយប្រតិបត្តិការនេះ បានបញ្ចប់ ផ្ទះខាងលើ ត្រូវ សមត្ថកិច្ចសម្រចឃ្លុមបេបិទជាបណ្តោះអាសន្ន ដើម្បីរង់ចាំចំណាត់ការជាថ្មី ៕
