ភ្លើងឆេះព្រៃនៅទីក្រុង Los Angeles ស្លាប់មនុស្ស៧នាក់ និងមនុស្ស១៨ម៉ឺននាក់ទៀត ត្រូវជម្លៀសពីលំនៅដ្ឋាន

អាមេរិក ៖ សារព័ត៌មានអន្តរជាតិធំៗជាច្រើន បានចុះផ្សាយថា គិតត្រឹមព្រឹកថ្ងៃសុក្រ ទី១០ ខែមករានេះ ភ្លើងឆេះព្រៃដ៏កំណាច នៅទីក្រុង Los Angeles នៃរដ្ឋ California បានឆក់យកអាយុជីវិតមនុស្សចំនួន 0៧នាក់ហើយ ខណៈដែលមនុស្សយ៉ាងហោចណាស់ ១៨ម៉ឺននាក់ទៀត ត្រូវបានជម្លៀសចេញពីលំនៅដ្ឋាន។ ហើយ ក្រុមជួយសង្គ្រោះនៅតែបន្ដ សកម្មភាព ដើម្បីពន្លត់ភ្លើង ក្រោមឥទ្ធិពលខ្យល់បោកបក់ខ្លាំង។

គ្រោះកំណាចនេះ យ៉ាងហោចមានសំណង់ជាង ១ម៉ឺន ទីតាំង ក៏ត្រូវរងការឆាបឆេះ ហើយ ប្រជាពលរដ្ឋអាមេរិក ប្រហែល ៤០ម៉ឺននាក់ទៀត កំពុងជួបបញ្ហាដាច់អគ្គិសនីប្រើប្រាស់។

ភ្លើងឆេះព្រៃនេះ អាចនឹងធ្វើឲ្យសហរដ្ឋអាមេរិក ខាតបង់សេដ្ឋកិច្ចប្រមាណ ៥២ ទៅ៥៧ ពាន់លានដុល្លារអាមេរិក៕ រូបភាព៖ AP