រថយន្តកុងតឺន័រមួយគ្រឿង ដឹកដែករាប់សិបតោន ធ្លាក់រាយប៉ាយពេញផ្លូវ សំណាងមិនធ្លាក់ត្រូវអ្នកដំណើរ
រាជធានីភ្នំពេញ ៖ រថយន្តកុងតឺន័រមួយគ្រឿងដឹកដែក ជាគ្រោងសម្រាប់សាងសង់អគារ ទម្ងន់រាប់សិបតោន ដោយសារការធ្វេសប្រហែស កំពុងបើកបរ ស្រាប់តែដាច់ខ្សែចំណង បណ្តាលឱ្យធ្លាក់ដែករាយប៉ាយពេញផ្លូវ សំណាងល្អមិនត្រូវ មិនប៉ះអ្នកដំណើរ កកស្ទះចរាចរណ៍ អ្នកបើកបររថយន្តចុះរត់គេចខ្លួនបាត់ ។
ហេតុការណ៍ខាងលើកើតឡើងកាលពីវេលាម៉ោង៨និង០៥នាទីយប់ថ្ងៃទី២២ ខែវិច្ឆិកា ឆ្នាំ២០២៤ នៅតាមមហាវិថីឈ្នះ ឈ្នះ ចំណុចរង្វង់មូល ច្រកចូលផ្លូវល្បឿនលឿន ក្នុងភូមិចែងមែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។
ក្រោយកើតហេតុ ខាងក្រុមហ៊ុនផ្លូវល្បឿនលឿន និងសមត្ថកិច្ចខណ្ឌពោធិ៍សែនជ័យ ចុះទៅ និងយករថយន្តស្ទូច ដើម្បីលើកដែកទាំងនោះចេញ ហើយយករថយន្តទៅរក្សាទុកនៅផ្នែកជំនាញខណ្ឌ រង់ចាំដោះស្រាយនៅក្រោយ ៕
