នគរបាលកម្ពុជា និងនគរបាលថៃ សហការឃាត់ខ្លួនជនជាតិថៃ៤នាក់ ពាក់ព័ន្ធអំពើឃាតកម្ម លើពលរដ្ឋថៃមួយគ្រួសារ

ខេត្តបន្ទាយមានជ័យ ៖ នគរបាលជាតិកម្ពុជា បានសហការជាមួយនគរបាលភូមិន្ទថៃ បានបើកប្រតិបត្តិការស្រាវជ្រាវ រហូតឈានដល់កំណត់បាន និងឃាត់ខ្លួនមុខសញ្ញា ជនជាតិថៃ ចំនួន ០៤នាក់ ដែលកំពុងសំងំលាក់ខ្លួន ក្នុងភូមិសាស្ត្រ ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី០៩ ខែកញ្ញា ឆ្នាំ២០២៣ ពាក់ព័ន្ធអំពើឆបោក តាមប្រព័ន្ធអនឡាញ បណ្តាលឲ្យកើតមានអំពើឃាតកម្មពលរដ្ឋថៃ មួយគ្រួសារ បណ្តាលឲ្យមានមនុស្សស្លាប់ចំនួន ០៣នាក់​ នៅខេត្តសាមុតប្រកាន កាលពីថ្ងៃទី២៨ ខែសីហា ឆ្នាំ២០២៣៕