មូលនិធិជនពិការ នៃក្រសួងសង្គមកិច្ច ប្រគល់ផ្ទះ១ខ្នង ជូនជនមានពិការភាព នៅខេត្តមណ្ឌលគិរី

ខេត្តមណ្ឌលគិរី ៖ ផ្ទះមូលនិធិជនពិការ ១ខ្នង ត្រូវប្រគល់ជូនក្រុមគ្រួសារជន មានពិការភាព​ កាលពីថ្ងៃទី២៩ ខែធ្នូ ឆ្នាំ២០២៣ ដែលមានទំហំ ៤គុណ នឹង ៦ម៉ែត្រ ធ្វើពីថ្ម ប្រក់ស័ង្កសី ប្រគល់ជូនជនមានពិការភាពមានឈ្មោះ ប៊ុន សុខញឹម ភេទស្រី អាយុ ៣៥ឆ្នាំ ពិការជើងស្តាំពីកំណើត។

បច្ចុប្បន្ន ស្ថានភាពគ្រួសារ របស់ស្ត្រីមានពិការភាពខាងលើ មានសមាជិកក្នុងគ្រួសារ ៦នាក់ សព្វថ្ងៃរស់នៅជាមួយប្ដី និងកូនប្រុសស្រី ៤នាក់ រស់នៅក្នុងភូមិអូរអាម ឃុំស្រែខ្លុម ស្រុកកែវសីមា ខេត្តមណ្ឌលគិរី។

ពិធីនេះ មានការចូលរួមជាអធិបតី របស់លោក ហ៊ុត ពន្លឺ នាយករងមូលនិធិជនពិការ តំណាង លោក ខុម ផល លឿន ប្រតិភូរាជរដ្ឋាភិបាលកម្ពុជា ទទួលបន្ទុកជានាយកមូលនិធិជនពិការ លោកប្រធានមន្ទីរស.អ.យខេត្ត លោកអភិបាលស្រុក សាខាមូលនិធិជនពិការ និងអាជ្ញាធរមូលដ្ឋាន។

ថ្លែងក្នុងកម្មវិធីនេះ លោក ហ៊ុត ពន្លឺ បានបញ្ជាក់ថា ផ្ទះ១ខ្នងនេះ ប្រើប្រាស់ថវិកាអស់ ២០,០០០,០០០រៀល ដែលថវិកាសាងសង់មួយផ្នែក ទទួលបានពីហិបប្រាក់វិភាគទានសប្បុរសធម៌ ម.ជ.ព.ដែលដាក់តាមទីសាធារ ណៈ នានា និងចំណូលផ្សេងទៀតរបស់​ ម.ជ.ព.។

ជំនួយមុខឱ្យ លោកនាយក​ ម.ជ.ព. លោកបានផ្តាំផ្ញើរដល់ គ្រួសារជនមានពិការភាពម្ចាស់ផ្ទះ សូមចូលរស់នៅក្នុងគេហដ្ឋាននេះឱ្យមានសេចក្តីសុខចម្រើន និងសូមថែ រក្សាសុខភាព ដើម្បីជៀសផុតពីជំងឺនានា។​ ក្នុងពិធីនេះដែរ ម.ជ.ព.ក៏បានពាំនាំនូវកញ្ចាប់អំណោយរួមមាន៖ អង្ករ ២៥គ.ក មី ១កេះ ទឹកត្រី ១យួរ ទឹកស៊ីអ៊ុវ ១យួរ ត្រីខកំប៉ុង ២យួរ អំបិល ២កញ្ចប់ ថវិកា ១០ម៉ឺនរៀល ជូនគ្រួសារម្ចាស់ផ្ទះ ដើម្បីសម្រួលដល់ជីវភាព៕ ដោយ ៖ សារ៉េត