ស្លាប់៤និងកំពុងសង្គ្រោះបន្ទាន់៥នាក់ ពេលកំពុងរង់ចាំទទួលអាំងប៉ាវ នៅមុខផ្ទះអ្នកឧកញ៉ា សុខ គង់
រាជធានីភ្នំពេញ ៖ ព័ត៌មានបឋមបានឱ្យដឹងថា យ៉ាងហោច មានមនុស្សស្លាប់ ៤នាក់ និងប្រមាណ ៥នាក់ទៀត កំពុងសង្គ្រោះបន្ទាន់ ក្នុងអំឡុងពេលប្រមូលផ្តុំគ្នា រង់ចាំទទួលអាំងប៉ាវ នៅមុខផ្ទះ អ្នកឧកញ៉ា សុខ គង់ នៅតាមផ្លូវនរោត្តម ស្ថិតក្នុងខណ្ឌដូនពេញ រាជធានីភ្នំពេញ ព្រឹកថ្ងៃទី ២៣ ខែមករា ឆ្នាំ២០២៥នេះ។
បច្ចុប្បន្ន ជនរងគ្រោះ ដែលដួលសន្លប់ កំពុងសង្គ្រោះ នៅមន្ទីរពេទ្យ។ រីឯ អ្នកដែលបានស្លាប់ (ប្រុស ២នាក់ និងស្រី២នាក់) សុទ្ធសឹងជាមនុស្សមានអាយុច្រើន ហើយទំនងជាពួកគាត់ខ្សោយកម្លាំងខ្លាំង ទើបបណ្តាលឱ្យស្លាប់ ក្នុងពេលប្រជ្រៀតគ្នានោះ។
នេះបើតាមការបញ្ជាក់ របស់ លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ៕
