មានវីដេអូ៖ សមត្ថកិច្ចឃាត់ខ្លួន ជនសង្ស័យប្រើហិង្សា លើអ្នកបើករថយន្តជនជាតិចិន
ខេត្តព្រះសីហនុ ៖ សមត្ថកិច្ច នគរបាល បានឃាត់ខ្លួន ជនសង្ស័យមួយចំនួន ក្នុងចំណោមបក្ខពួក ដែលជាក្រុមអ្នកប្រកបរបរ ដឹកជញ្ជូនទំនិញ និងម្ហូបអាហារ ដែលបើកម៉ូតូដេញតាមរថយន្ត និងប្រើហិង្សាវាយដំទៅលើអ្នកបើកឡាន ជនជាតិចិន ក្នុងករណីបង្កគ្រោះថ្នាក់ចរាចរណ៍ ក្នុងក្រុងព្រះសីហនុ ម៉ោងជាង ២ទៀបភ្លឺថ្ងៃទី២៥ ខែមករា ឆ្នាំ២០២៥។
ការចាប់ខ្លួននេះ ធ្វើឡើង នៅរសៀលថ្ងៃទី២៥ ខែមករានេះ។
សមត្ថកិច្ចនគរបាល ក្រុងព្រះសីហនុ ឲ្យដឹងថា ជនសង្ស័យមួយចំនួនទៀត ដែលកំពុងរត់គេចខ្លួន សមត្ថកិច្ច ក៏កំពុងបន្តចុះស្រាវជ្រាវ ជនសង្ស័យទាំងនោះ ដើម្បីឈានទៅឃាត់ខ្លួន ជាបន្តទៀត ដើម្បីបន្តនីតិវិធី..៕
