នគរបាលខេត្តព្រះសីហនុ បង្ក្រាបក្រុមចោរលួចម៉ូតូ និងទទួលផលចោរកម្ម ឃាត់ខ្លួនជនសង្ស័យ៥នាក់
ខេត្តព្រះសីហនុ ៖ សមត្ថកិច្ចនគរបាលក្រុងព្រះសីហនុ បានចុះបង្ក្រាបក្រុមចោរលួចម៉ូតូ និងទទួលផលចោរកម្ម មួយករណី ដោយឃាត់ខ្លួនជនសង្ស័យចំនួន ០៥នាក់ ។
គួររំលឹកថា កាលពីម៉ិង ១០យប់ថ្ងៃទី០៦ ខែកុម្ភៈ ឆ្នាំ២០២៥ មានករណី ចោរលួចកាច់បំបែកសោរ ក លួចម៉ូតូ ០១ករណី បានកើតឡើង នៅចំណុចបន្ទប់ជួល ស្ថិតនៅក្រុមទី២៣ ភូមិ១ សង្កាត់លេខ១ ក្រុង-ខេត្តព្រះសីហនុ ប្រព្រឹត្តដោយជនសង្ស័យចំនួន ០២នាក់ ឈ្មោះ ចំរេីន ឡុងនី ភេទប្រុស ជនជាតិខ្មែរ និងឈ្មោះ ចាន់ វាសនា ភេទប្រុស ជនជាតិខ្មែរ។
ជនសង្ស័យទាំង២នាក់ បានធ្វេីសកម្មភាពកាច់ បំបែកសោរ ក រួច លួចយកម៉ូតូ របស់ជនរងគ្រោះ ចំនួន០១គ្រឿង ម៉ាក HONDA DREAM ស៊េរីឆ្នាំ២០១៨ ពណ៌ខ្មៅ និង ម៉ូតូ ០១គ្រឿងទៀត ម៉ាក Honda Vario ពណ៌ ក្រហម របស់ជនរងគ្រោះម្នាក់ទៀត។
សមត្ថកិច្ច បន្តថា ពេលជនសង្ស័យទាំង ០២នាក់ លួចម៉ូតូ បានសម្រេចហេីយ ក៏បានជិះម៉ូតូនោះរត់គេចខ្លួនបាត់តែម្ដង បន្ទាប់មកជនរងគ្រោះក៏បានដឹងថា ម៉ូតូរបស់ខ្លួនត្រូវគេលួច ក៏បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលសង្កាត់លេខ១ ដេីម្បីអោយសមត្ថកិច្ចជួយអន្តរាគមន៍ ។
សមត្ថកិច្ច បានបន្តថា ក្រោយកម្លាំង អធិការដ្ឋាននគរបាល ក្រុងព្រះសីហនុ ក៏បានធ្វេីការស្រាវជ្រាវស្វែងរកជនសង្ស័យ រហូតមកដល់ថ្ងៃទី០៨ ខែកុម្ភៈ ឆ្នាំ២០២៥ វេលាម៉ោង០៤ និង៣០នាទីទៀបភ្លឺ កំលាំងបានធ្វេីការល្បាតដល់ចំណុចភូមិដូង ស្ថិតនៅភូមិ១ សង្កាត់លេខ៤ ក្រុង-ខេត្តព្រះសីហនុ ក៏ប្រទះឃេីញជនសង្ស័យចំនួន ០២នាក់ខាងលើ ហេីយឆែកឆេររកឃេីញ ផ្លែដែកសំប៉ែតកែច្នៃ សម្រាប់កាច់បំបែកសោរ កម៉ូតូ និងឃាត់ខ្លួន យកមកកាន់អធិការដ្ឋាននគរបាល ក្រុងព្រះសីហនុ ដេីម្បីធ្វេីការសាកសួរ។
សមត្ថកិច្ច បញ្ជាក់ថា ជនសង្ស័យទាំង០២នាក់ ឈ្មោះ ចំរើន ឡុងនី និងឈ្មោះ ចាន់ វាសនា ក៏បានឆ្លេីយសារភាពថា ខ្លួនពិតជាបានធ្វេីសកម្មភាពលួចម៉ូតូ របស់ជនរងគ្រោះខាងលើពិតប្រាកដមែន។ ហេីយជនសង្ស័យឈ្មោះ ចំរើន ឡុងនី បានឆ្លេីយសារភាពទៀតថា ពេលលួចម៉ូតូបានសម្រេចហេីយ ក៏បានយកម៉ូតូដែលលួចបាននោះដាក់តាមរថយន្តតាក់ស៊ី ទៅភ្នំពេញ រួចយកទៅលក់នៅចោមចៅអោយមនុស្សប្រុស ០១នាក់ មិនស្គាល់ឈ្មោះ បានប្រាក់ចំនួន 600ដុល្លារ។
បន្ទាប់មក នៅថ្ងៃទី១១ ខែកុម្ភ: ឆ្នាំ២០២៥ កម្លាំងអធិការដ្ឋាននគរបាលក្រុងព្រះសីហនុ បានសហការជាមួយ កម្លាំងជំនាញពាក់ពន្ធ័ ការិយាល័យនគរបាលព្រហ្មទណ្ឌកំរិតធ្ងន់ រាជធានីភ្នំពេញ អធិការដ្ឋាននគរបាល ខណ្ឌព្រែកព្នៅ, ខណ្ឌសែនសុខ, ខណ្ឌដង្កោ និងខណ្ឌពោធិសែនជ័យ ឈានដល់ការបង្រ្កាប មុខសញ្ញា ចំនួន ៣នាក់ទៀត បានដោយជោគជ័យ ដល់ឬសគល់។
បច្ចុប្បន្នជនសង្ស័យ០៥នាក់ ខាងលេី កំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីកសាងសំណុំរឿង និងចាត់ការបន្តតាមនីតិវិធី៕
