ក្រុមការងារនិងនិស្សិត អ.ម.ត ខេត្តព្រះសីហនុ ចុះសួរសុខទុក្ខពលរដ្ឋ ដែលរងគ្រោះភ្លើងឆេះផ្ទះ ១៤គ្រួសារ..

ខេត្តព្រះសីហនុ ៖ នារសៀលថ្ងៃទី១៣ ខែកុម្ភៈ ឆ្នាំ២០២៥ លោក ម៉ាង ស៊ីណេត ប្រធានក្រុមការងារគ្រប់គ្រងសិស្ស-និស្សិតអាហារូបករណ៍ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត (អ.ម.ត) ខេត្តព្រះសីហនុ បានចាត់ក្រុមការងារ និងនិស្សិត អ.ម.ត ចុះសួរសុខទុក្ខ និងនាំយកជំនួយ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងជាប្រធានកិត្តិយសសមាគម អ.ម.ត និង លោកជំទាវបណ្ឌិត ពេជ ចន្ទមុន្នី ប្រធានសមាគម អ.ម.ត មកប្រគល់ជូន ប្រជាពលរដ្ឋ ដែលរងគ្រោះដោយភ្លើងឆេះផ្ទះ ចំនួន ១៤គ្រួសារ នៅភូមិត្រពាំងមូល ឃុំជើងគោ ស្រុកព្រៃនប់ ៕