ជនជាតិចិន បើកការបាញ់រះផ្អើលកក្រើក ក្រុងព្រះសីហនុ ទៀតហើយ..

ខេត្តព្រះសីហនុ ៖ សមត្ថកិច្ចបានឲ្យដឹងព័ត៌មានបឋមថា នៅម៉ោង ១០ និង២៣នាទី ថ្ងៃទី២១ ខែកុម្ភៈ ឆ្នាំ២០២៥ មានករណីផ្ទុះអាវុធ នៅជាន់ទី២ ក្នុងសណ្ឋាគារ មួយកន្លែង ស្ថិតក្នុងក្រុម២ ភូមិ១ សង្កាត់លេខ៣ ក្រុង-ខេត្តព្រះសីហនុ បង្កឡើងដោយជនជាតិចិន ប៉ុនែ្តមិនដឹងមូលហេតុនៅឡើយទេ..។

ក្រោយធ្វើសកម្មភាពរួច ជនសង្ស័យបានរត់ចុះ មកជាន់ខាងក្រោម ហើយក៏ត្រូវកងសន្តិសុខឯកជន ធ្វើការនៅទីតាំងនោះ ស្ទាក់ចាប់ ប៉ុន្តែត្រូវជនសង្ស័យបាញ់ ១គ្រាប់ទៀត រួចរត់ចេញក្រៅសំដៅទៅ រថយន្ត ម៉ាក Prius មួយគ្រឿង ដែលចតនៅលើផ្លូវខាងក្រៅ បម្រុងបើកចេញ ប៉ុន្តែបញ្ឆេះរថយន្ត មិនអត់ដំណើរការ ទើបជនសង្ស័យ បានទូរស័ព្ទហៅមិត្តភក្តិ របស់គេ មកទទួលយក រួចក៏ធ្វើដំណើរទៅមន្ទីរពេទ្យ..។ ហើយបន្ទាប់មក ក៏ត្រូវកម្លាំងសមត្ថកិច្ច តាមទៅឃាត់ខ្លួន និងសួរនាំនៅមន្ទីរពេទ្យ តែម្តង។

បច្ចុប្បន្ន កម្លាំងសមត្ថកិច្ចជំនាញ កំពុងធ្វើការតាមនីតិវិធីច្បាប់៕

អត្ថបទដែលជាប់ទាក់ទង